Emisoras

Buscador de emisoras

Ir

Selecciona tu emisora

Radio Lugo

O Burela FS pasa a oitavos na Copa

O equipo mariñán venceu 3-5 ó Prone Lugo no derbi

O Burela FS pasa a oitavos na Copa

Burela fs

O Pescados Rubén Burela FS conquistou este martes na cidade amurallada o billete para oitavos de Copa do Rei logo de impoñerse por 3-5 ao Prone Lugo FS. “Por primeira vez na tempada ffomos equipo, controlamos o partido e malia a empezar perdendo soubemos seguir controlando o partido e esperar a que chegasen os nosos goles”, reflexionaba o 12 laranxa Bruno Petry. O equipo de Daniel Ibañes coñecerá o seu rival o 25 de outubro.

“O Prone puido adiantarse nunha das súas primeiras ocasións claras, pero soubemos reaccionar” explicaba o autor do 1-2, a balón parado, no minuto 18, tras a iniciativa de Caique (minuto 15) para os lugueses e a igualada de Iago Rodríguez (minuto 17). Aínda que os locais puxeron as táboas segundos despois, o Pescados Rubén volveu apropiarse do marcador na recta inicial do segundo acto con Bellvert (minuto 22) en contragolpe e ampliaron Iago Rodríguez (27), en xogada individual, e Hélder (28).

Con xogo de cinco, os de Manuel Vázquez crearon perigo pero tan só materializaron o 3-5 (minuto 30), de novo de Caique. “Foron moitos minutos con porteiro-xogador, sufrimos algo pero é algo normal con 5 para 4; soubemos defender e conservar o resultado” aseguraba Petry.

O equipo de Daniel Ibañes descansa este mércores para volver xoves ao traballo de liga, con outro derbi irmandiño por diante, o do venres fronte ao Santiago Futsal (Vista Alegre, 21.00 horas). Os santiagueses caeron na Copa do Rei fronte ao Noia FS (3-2). “Teño moita ilusión de facer outro bo partido. É importante comezar a seguir puntos para fortalecer a confianza e o ánimo do equipo” adiantaba Petry, facendo fincapé na complexidade do duelo galego.

“Estará moi igualado, coma sempre. Xa nos vimos dúas veces en pretempada con vitoria para eles no Burela Bonita e para nós en Rianxo, por iso, porque nos coñecemos moi ben, o encontro do venres será aínda máis duro” explicaba o pivote, que recorre á concentración como chave da cita. “Se estamos ben de cabeza, con tranquilidade nos momentos máis inestables, temos moito do noso lado para gañar” puntualizaba o burelista.

FICHA TÉCNICA

Prone Lugo FS: Kelvin, Diego Núñez, Caique, Gilbert, Adrián, cinco inicial; tamén xogaron Nacho Pedraza, Luis Longo, Rengifo, Samuel, Óscar Iglesias

Pescados Rubén Burela FS: Miñano, Iago Rodríguez, Chano, Bellvert, Antoñito, cinco inicial; tamén xogaron Iago Míguez, Isi, Petry, Renato, Hélder, Álex

Goles: 1-0, minuto 15, Caique; 1-1, minuto 17, Iago Rodríguez; 2-1, minuto 18, Luis Longo; 2-2, minuto 18, Petry; 2-3, minuto 22, Bellvert; 2-4, minuto 27, Iago Rodríguez; 2-5, minuto 28, Hélder; 3-5, minuto 30, Caique

Árbitros: Menéndez Nistal e Amor Vizoso. Amoestaron a Óscar Iglesias, Caique e Iago Míguez.

Incidencias: Partido correspondente a 1/16 de Copa do Rei disputado no pavillón municipal de Deportes de Lugo

Comentarios Normas

comentarios

Para poder comentar debes estar registrado y haber iniciado sesión

Regístrate ¿Por qué registrarse?