Barrocás celebra o seu 32º Aberto Aninovo

Ourense

O Torneo Anino de Barrocás chega á súa edición número 32 este Nadal reunindo nos locais da asociación de veciños máis de 200 participantes de todas as idades e conmemorando, xa por sétimo ano, a figura de Manuel Villar.

Na presentación desta actividade, o alcalde de Ourense, Jesús Vázquez, reivindicou ¨a inclusión da materia do xadrez na oferta educativa pola súas vantaxes para a formación integral dos máis pequenos¨, que serán precisamente os que abran o torneo este sábado 24 (categorías sub 10, sub 12 e sub 8, sa pola tarde), mentres que a competición absoluta será a partir do vindeiro sábado 26 de decembro e até o 5 de xaneiro.

Malia que os organizadores do torneo destacan o carácter ¨lúdico e familiar do torneo¨, en palabras da presidenta da AVV Barrocás, Nieves Díaz, o Aberto de Aninovo é canteira de grandes figuras do xadrez coma o propio Elias González, responsable técnico do torneo. Pero tamén Iván Salgado, mestre internacional, e doutros novos valores desde deporte que xa confirmaron a súa presenza: os irmáns Adrián e Diego Gómez Diéguez, o xuvenil Gabriel Roma ou Martín Gómez, que vén de disputar o campionato de Europa en Grecia.