Sociedad
A Costa da Morte

Chega á costa a carga dos contedores perdidos polo buque MSC Eloane

Carga llegada a la Costa da Morte / Radio Nordés Cadena SER

Cee

Centos de botes de leite en po, un gran número de cartóns de tabaco, cartuchos de tinta de impresora, entre outros obxectos, chegaron esta mañá arrastrados polas correntes a praias da Costa da Morte coma a do Rostro, Lires, Nemiña ou Lourido. Probablemente se trate da carga que o barco con bandeira de Liberia transportaba nos aproximadamente 40 contedores que perdeu o pasado venres a causa do temporal cando navegaba polo corredor de Fisterra a unhas 40 millas da costa.

Non é a primeira vez que chegan a esta costa produtos que caen pola borda dalgún dos centos de barcos que pasan a diario polo corredor de Fisterra. Como noutras ocasións, algúns veciños achegáronse ás praias levados pola curiosidade e para ver se a sorte lles facía atopar algún obxecto de valor.

Salvamento Marítimo mantivo estes días a alerta a embarcacións e navegantes polos riscos que podería conlevar para a navegación a presenza dos contedores á deriva fronte á costa de Galicia. Tamén mobilizou o avión 'Sasemar 102', pero sen ningún resultado positivo.

 
  • Cadena SER

  •  
Programación
Cadena SER

Hoy por Hoy

Àngels Barceló

Comparte

Compartir desde el minuto: 00:00