Val do Lérez gañadores do Concurso de Murgas 2018

Pontevedra

Os gañadores da XXVII edición do Concurso de Murgas conseguiron un total de 75 puntos. En segundo lugar quedou a murga Janas de Leria ,con 73 puntos; en terceiro posto os do Equipo Ja con 70 puntos; cuarto posto para os PTV, con 67 puntos; e quinto posto para Leña Verde con 59 puntos.

Nesta edición, a petición das murgas participantes, incorporouse un quinto premio, de modo que os gañadores recibirán 1.200 euros; os subcampións 1.050 euros; a terceira murga 900 euros; 750 os cuartos clasificados e finalmente 400 euros para a quinta murga.

A noite deixou imaxes para o recordo e delicia dos asistentes ao Pazo da Cultura de Pontevedra, como por exemplo esta de Rafa Córdoba, que cada ano nos sorprende cos seus disfraces. Xulguen vostedes mesmos...