Os interesados en asistir a obra “Atraco ás tres” poden retirar as entradas a partires deste xoves
Cada persoa poderá pedir até catro invitacións para asistir á obra teatral, pero deberán presentar os DNI de cada un dos solicitantes.
Ourense
O Concellería de Asuntos Sociais do Concello de Ourense recorda que a partires deste xoves, 24 de maio, poderán a comezar a retirarse de xeito totalmente gratuíto as entradas para asistir á representación da obra teatral “Atraco ás tres”, a cargo do grupo para maiores Aturuxo, que se representará o vindeiro día 30 no Auditorio Municipal.
A obra forma parte das actividades programadas con motivo da Semana dos Maiores que este ano terá lugar entre o luns 28 de maio e o venres 1 de xuño e que ofrecerá aos seus participantes actividades deportivas, culturais e de ocio.
A recollida das invitacións se realizará nas oficinas de Asuntos Sociais, na rúa Colón número 18 (Centro Cívico Colón). É necesario presentar o DNI das persoas que desexen asistir á representación.
O máximo de entradas que poderá coller cada persoa que se achegue as oficinas do Centro Cívico será de catro, pero sempre presentando os respectivos Documentos Nacionais de Identidade das persoas que asistirán á obra de teatro. As entradas serán de balde.
Semana dos Maiores
Entre o luns, 28 de maio e o venres 1 de xuño terá lugar a Semana dos Maiores. Están previstas varias citas habituais cada día, e que repetirán lugar e horario. É o caso das actividades deportivas que terán lugar no Xardín do Posío: o tai-chi ao aire libre, ás 10,00 horas; e o cachibol, ás 11,00 horas.
Tamén estará aberta todos os días a exposición de traballos feitos polos alumnos dos cursos de manualidades, no Salón de Actos do Centro Cívico A Cuña, entre 11,00 e 13 horas e de 16,00 a 18,00 horas.
Ademais, o martes 29 de maio, as 11,00 horas farase entrega dos diplomas do curso de Informática no Centro Cívico de A Ponte. O mércores, ás 20,00 horas o Auditorio Municipal acole a representación de “Atraco ás tres”, a cargo de grupo Aturuxo.
O xoves, 31 de maio, será a Comida da Semana dos Maiores, que está prevista ás 14,30 horas na Carballeira de Santa Cruz. Entre 16,30 e 19,00 horas haberá un baile para os asistentes.
Para asistir á comida no restaurante “A Carballeira de Santa Cruz” os interesados deberán presentar o seu DNI e facer unha reserva previa. O prezo do menú é de 16 euros que deberán abonarse no restaurante o mesmo día da comida. Só se farán reservas até o 30 de maio. Se recomenda levar o importe xusto para axilizar a entrada no restaurante. A comida está cofinanciada polo Concello de Ourense, a través da Concellería de Asuntos Sociais.
