A Escola de Arte Dramática segue reivindicando unha titulación universitaria

Pontevedra

Por segundo día consecutivo, os alumnos e profesores da Escola de Arte Dramática de Galicia mobilizáronse diante da Delegación da Xunta en Pontevedra para reivindicar os seus dereitos. Concretamente piden a equiparación da súa formación acadñemica a unha titulación universitaria, e que se contraten máis docentes para garantir a viabilidade e a calidade dunha Escola que debe ser un referente cultural en Galicia.

Despois das conversas entre mestres, sindicatos e Xunta, as posturas non acaban de achegarse. Por unha parte, o xefe Territorial de Educación, César Pérez Ares, está de acordo en que a formación académica obtida sexa equiparable a unha titulación universitaria, pero discrepa en canto a contratación de profesorado, xa que, amparándose nun informe de inspección educativa, entende que o número de docentes é suficiente.

Para os sindicatos, as declaracións de Péres Ares non son máis que simples palabras, e en canto á contratación de profesorado, din que se ampara nun decreto que non pode ser aplicable ao tipo de formación que se exerce na Escola de Arte Dramática.