O concello de Tui fai un balance positivo dos primeiros nove meses de funcionamento do programa de préstamo de biotrituradoras
O seu uso, mediante solicitude previa, é de balde e o resultado pode ser empregado como estruturante para compostaxe
Material de seguridade para o uso de biotrituradoras do concello de Tui
En decembro de 2022 comezou o Servizo de permiso de uso de Biotrituradoras que o concello de Tui puxeo en marcha dentro das súas iniciativas sostibles. Dende ese momento e ata a actualidade estas biotrituradoras municipais foron empregadas xa en 68 ocasións, o que é considerado un éxito da iniciativa, e demostra, segundo indica o propio concello de Tui, a utilidade do servizo para a cidadanía.
O concello conta con 4 máquinas biotrituradoras que, de forma gratuíta, son cedidas en uso durante unha semana, xunto cos elementos de protección auditiva e visual e un manual de uso. Coas mesmas pódense triturar restos de poda de até 4 centímetros de grosor, evitando a súa queima, e facilitando o seu uso por exemplo coma estruturante para os composteiros individuais.
Así con este servizo municipal contribúese a minimizar a queima de material vexetal que é unha das prácticas comúns de xestión dos restos de poda e que ten un custe ambiental moi elevados debido a xeración de gases de efecto invernadoiro e a perda de materia orgánica do solo. Tamén, coma se sinalou, co material obtido ofrecese un complemento en forma de viruta de madeira esencial para os proceso de compostaxe ao aportar este tipo material e mellorar a calidade do compost xerado tanto a partir de composteiros como mesmo ao realizado en pilla.
As persoas interesadas poden solicitar o uso da biotrituradora descargando o impreso de alta no servizos e a solicitude de autorización de uso dispoñibles en https://tui.gal/gl/departamentos/medio-ambiente/biotrituradoras. Estes documentos débense presentar xunto cunha instancia xenérica no rexistro de entrada do Concello ou a través da sede electrónica.
