Miércoles, 12 de Agosto de 2020

Otras localidades

O momento coruñento de Xurxo Souto

Cántiga de maio

Este mes de maio

é o mes das flores,

cando os namorados

deixan ver os seus amores.

Cantáronse moito pola Coruña, os maios, pezas propias deste tempo. Así o documenta nun fermoso texto Urbano Lugrís.

A cántiga de maio, peza de luz, volve estenderse agora pola cidade toda. Estamos no ano, no mes, das Irmandades da Fala, ese fato de coruñesas e coruñeses, Antón Vilar Ponte á fronte, que se axuntaron aquí hai cen anos para facer máis feliz ao mundo coa riqueza da nosa lingua. Neste mes de maio, as Letras Galegas levan o nome dun dos nosos veciños máis ilustres: Manuel María.

E hoxe, 3 de maio, miles de rapaces e rapazas encheron as rúas de alegría: O Correlingua.

Rapazas e rapaces dos colexios de institutos de Cambre, Carballo, Carral, Cerceda, Cesuras, Coristanco, Sada, Zas,Vimianzo, Bergondo e mais da Laracha. E, por suposto, miles de rapazas e rapaces da cidade da Coruña. Quero citar todos os centros: do instituto da Agra do Orzán, de Elviña, do Fernando Wirtz, de Zalaeta, do Fogar de Santa Margarida, do Monte das Moas, do Otero Pedrayo e do Urbano Lugrís.

Diante das indolencia dos adultos, xente nova a eito polas rúas a anunciar futuro e luz para a lingua galega.

A festa rematou ao pé da Torre, cun concerto de Zenzar, patriarcas do rock galego –dende 1987-, o grupo elixido por votación polos propios nenos.

Quizá non os viu pasar, non se preocupe, como acostuman, como acontece coas cántigas dos maios,han volver –máis- a seguinte primavera, para compartir con todos as palabras bonitas do seu himno.

Alimenta ao planeta,

boura polo vento,

a lingua dos galegos,

non se aguanta nos museos.

Eu quero ir polo Mundo,

mais por un mundo diverso,

onde cada pobo achegue

a color do seu acento.

A miña boca provoca a miña boca non se equivoca.

Cántiga de luz. Correlingua na Coruña

Cargando

Escucha la radio en directo

Cadena SER
Directo

Tu contenido empezará después la publicidad

Programación

Último boletín

Emisoras

Elige una emisora

Cadena SER

Compartir

Tu contenido empezará después de la publicidad

Cadena SER

¿Quieres recibir notificaciones con las noticias más importantes?