José Luís López: “Obtemos 9.000 kilos, e hai máis demanda que produción”

Lugo

Mougán (Guntín), acolleu esta fin de semana a XIX Feira do Pemento de Mougán, cun programa de actos que se desenvolveu dende a noite de venres ata o sábado.

Segundo José Luís López, presidente de Apropem, a Asociación de Produtores de Pemento de Mougán, o pemento ten unhas características definitorias polas súas catro puntas, o seu verde intenso e o seu sabor propio.

O Pemento de Mougán conta cunha Denominación de Orixe propia e traballa para incrementar a produción, xa que "está habendo nos últimos anos máis demanda que produto".

José Luís López detallou todos estes detalles e o principal segredo do pemento, "moito rego", para alcanzar unha produción de entre 8.000 e 9.000 kilos. Dentro do Consello Regulador do Pemento de Mougán hai 8 produtores.