Marta Capeáns: “A Xunta actúa con recochineo no pago de axudas e atrasos da dependencia”

Lugo

A presidenta do Colexio Oficial de Traballo Social de Galicia, Marta Capeáns, denuncia que a Xunta actúa con "recochineo" na concesión de axudas e o pago de atrasos por dependencia.

Nunha entrevista concedida a Radio Lugo Cadena Ser, emitida na Mesa de Redacción de Hora 14 deste sábado tres de setembro, alertou de que as administracións pretenden "desmantelar" a dependencia a través de trámites farragosos e axudas miserentas. 

Ampliar

Estas afirmacións chegan logo de coñecermos esta semana o caso dun matrimonio da provincia de Lugo ao que a Xunta concedeu unha axuda de 10,18 euros ao mes por dependencia de grao I para coidados no entorno familiar de tipo parcial.

A Xunta sinala na resolución que a persoa coidadora ten unha capacidade económica mensual de 564,78 euros. Ademais, recoñece 468,86 euros en atrasos dende 2011, ano en que foi solicitada a axuda, que serán aboados a razón de 58,61 euros al ano dende 2017 ata 2024.

Ademais de atacar a xestión política da dependencia, Capeáns puxo de manifesto que o Sergas e os servizos sociais serían os encargados de atender ás persoas dependentes en caso de non existiren as axudas para o coidado no entorno famiiar, o que incrementaría os gastos para as arcas públicas ata vinte veces.