Últimas noticias Hemeroteca

Viernes, 24 de Enero de 2020

Otras localidades

Matt Stainbrook probará cos Nets

O xogador aínda non confirmou oficialmente unha nova que saiu á luz en dous portais especializados na NBA este domingo

Matt Stainbrook nun encontro co Cafés Candelas Breogán /

Os Nets visualizarán de preto as prestacións do pivot Matt Stainbrook. O xogador norteamericano que militou a pasada campaña no Cafés Candelas Breogán probará sensacións co equipo da NBA no mini-campus de verán que organiza para axentes libres.

A nova adiantouna o portal web nbamaniacs, que apuntou que Stainbrook participará no mini-campus durante estes días. Antes de xogar esta campaña no Cafés Candelas Breogán, en Leb ORO, Matt Stainbrook xogara no Craislheim Merlins alemán.

A nova da participación de Stainbrook no mini-campus de verán de axentes libres dos Nets tamén foi confirmada pola conta de twitter @NetsDaily, especializada no equipo.

Tamén Goran Huskic, o pivot do Burgos co que lidiou nas semifinais polo ascenso á Liga ACB, quixo felicitar e desexarlle sorte a Stainbrook neste campus nos Estados Unidos.

Neste campus de verán dos Nets tamén participou no seu día James Feldeine.

Cargando
Cadena SER

¿Quieres recibir notificaciones con las noticias más importantes?