A Xunta avalía os danos polo pedrazo cos alcaldes de Cenlle e Castrelo de Miño

A conselleira do Medio Rural, Ángeles Vázquez, explicou aos alcaldes dos municipios ourensáns de Cenlle e Castrelo de Miño, os resultados dos informes preliminares sobre a afectación da sarabiada rexistrada o pasado día 27 en diferentes zonas da provincia.

Os estudos provisionais indican que os danos se centraron nestes dous concellos, Cenlle e Castrelo de Miño. Está previsto que o Consello da Xunta aprobe en breve unha liña de financiamento para os agricultores afectados por fenómenos abversos, dotada con 1, 5 millóns de euros para as anualidades 2017-2018.

Ángeles Vázquez, sinalou a importancia dos seguros agrarios como fórmula para facer fronte a este tipo de situacións e lembrou que a Xunta destina este ano 4,7 millóns de euros a financiar a contratación de pólizas.