Gizonok esan eta egin

Bilbao

Emakundek Gizonok Esan eta Egin kanpaina aurkeztu du. Gizonei zuzenduta dago eta hiru helburu ditu:

1. Berdintasunaren aldeko ekintza zehatzetan inplikatzea
2. Eskura ditugun baliabideak erabiltzea eta hedatzea, gizonongan eta gure jarreretan aldaketa gertatzea sustatzeko
3. Berdintasunaren aldeko eta indarkeria matxistaren aurkako borrokarekin bat egitea

Gizarte askeagoa eta berdintasunezkoa lortu ahal izateko aplikazio informatiko bat sortu du Emakundek. Urrats gutxitan matxismo maila aztertzen, konpromisoak aukeratzen eta praktikan jartzen eta horien jarraipena egiten lagunduko du. Ekintza konkretuak eginez gizonek egunerokotasunean berdintasunarekin duten konpromisoa handitu nahi du hainbat eremutan: zaintzan erantzunkidetasuna bultzatzeko, indarkeria matxistari aurre egiteko, berdintasunaren aldeko ideiak hedatzeko, mezu eta jarrera sexistak salatzeko eta abar.