Tanxugueiras no Set de Unplugged de Radio Pontevedra
O grupo preséntanos o seu segundo disco, "Contrapunto", interpretándonos en directo no noso espazo musical "Perfidia", un dos temas que compoñen o seu novo traballo e do que acaban de presentar videoclip
Pontevedra
Cóntan as Tanxugueiras, falando do seu segundo disco, que a vida ten dúas caras. Ten momentos contrapostos, que saben ás veces doce e ás veces amargo. Unha dualidade inevitable que equilibran con tento e delicadeza, con forza e carácter, as Tanxugueiras.
Entrevista a Tanxugueiras en Radio Pontevedra
10:38
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1576241627_327322/" width="100%" height="360" frameborder="0" allowfullscreen></iframe>
Sangue novo para revitalizar e actualizar a tradición da música oral do país, unha formación que no seu segundo disco consegue dar unha nova vida e un novo significado as coplas que se cantan dende antigo en Galicia. ‘Contrapunto’ é un disco de dez temas siameses, cinco caras e cinco cruces de diferentes momentos da vida narrados a través das letras que as pandereiteiras mantiveron vivas ata hoxe. Palabras con pasado para describir o presente a través de voces destas tres mozas e de sonoridades de diferentes estilos.
Unha proposta que expande as posibilidades da música tradicional e a sitúa a base de forza e empoderamento nos mesmos escenarios que estilos como o pop ou o indie.
Se queredes coñecer máis do novo disco de Tanxugueiras, deixámosvos a súa canle de Spotify, para escoitar a versión de estudio da canción que acaban de interpretar no noso Set de Unplugged, "Perfidia"