O restaurante Paprica organiza un aperitivo solidario
Animan a acudir a uns ensaios intensivos de panxoliñas para cantar durante o evento
O restaurante Paprika organiza un aperitivo solidario de Nadal
07:03
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1702385856570/" width="100%" height="360" frameborder="0" allowfullscreen></iframe>
Lugo
No restaurante Paprica preparan para o día 23 de decembro un aperitivo solidario en favor do Banco de Alimentos. O cociñeiro Álvaro Villasante invita a "vir tomar un viño ou un chocolate con churros, que tamén vai haber, faremos unha especie de 'brunch'".
Para maridar o apertivo están preparando unha actuación musical moi apropiada para as datas de Nadal. "Imos cantar unha serie de tenores, barítonos e baixos afeccionados, que imos dar unhas clases aceleradas de panxoliñas", bromea.
Animan a quen os queira acompañar a unirse aos ensaios, nos que van contar co asesoramento da Escola de Música Heiko: "Buscamos grandes ou pequenos, homes ou mulleres, que queiran pasar un cacho divertido". O primeiro ensaió é este martes ás oito da tarde, pero farán outro o martes e probablemente algún máis antes do día 23.
"A gracia é que somos xente que non sabemos cantar, pero imos tratar de facelo o mellor posible", di Álvaro Villasante. Abre a porta tamén a que, quen saiba tocar algún instrumento, se una para acompañar as panxoliñas. Para saber con cantos van contar, pide que se poñan en contacto co restaurante por teléfono, ou a través das redes sociais. Para desfrutar da actuación só hai que acudir cunha bolsa de alimentos non perecedeiros.
Un prato para triunfar na cea de Nadal
O cociñeiro deixa tamén no Hoy por hoy Lugo unha proposta culinaria para a cea de Nadal. Álvaro Villasante cre que o prato estrela destas festas vai ser o polo de corral, e apunta algúns trucos para que quede apetitoso. O primeiro paso é marcalo ben, e despois engadir "moita cebola, que o cubra todo".
Para facer unha boa salsa propón botarlle brandy e viño: "un galo destes de catro kilos pode cunha botella enteira de viño", explica. O toque que vai marcar a diferencia é botar, na metade da cocción, "unha presiña de ameixas pasas e outra de mazá". Pode ser, por exemplo, unha mazá do país que lle dé un toque ácido "para contrarrestar o doce das ameixas e da cebola". "A parte de engordar a salsa dálle un toque incrible", asegura.
