Touriñán estrea 'Nena' en Castelo Conta
O crto conta con Carlos Blanco e David Perdomo no seu elenco
A Coruña
Xosé Antonio Touriñán elixiu estes festexos para estrear a súa curtametraxe 'Nena,' protagonizado por Antía Touriñán, Carlos Blanco, David Perdomo e o propio Touriñán. 18 minutos de duración que viran ao redor dunha nena de 12 anos que ten que facerse cargo da súa familia.
Tras a presentación, Belém Tajes, autora da banda sonora, ofreceu un concerto en acústico para os asistentes.
A programación de hoxe inclúe sesión de Contos do Castelo con David Amor ás cinco da tarde. E o polideportivo será o protagonista da noite, con sesión de DJ Russ ás 21:30, Humor ás 22:30 con Corentena de David Perdomo e Touriñán e peche a medianoite coa actuación musical de Familia Caamagno.
O venres, a mañá será unha vez mñas para as actividades infantís. Ás 14:00 estréase Bechos, a nova serie de animación da TVG. E pola tarde, nova sesión de Contos do Castelo ás 17:00 e peche ao grande co concerto de Combo Miramundo, Muchachito One Man Band e Lamatumbá a partir das 22:00.
