Detidos os presuntos autores do asasinato a tiros dun dominicano en Carballo

Carballo

Axentes da Garda Civil detiveron esta semana aos que considera presuntos autores da morte a tiros dun varón nun céntrico bar de Carballo. A operación, desenrolada pola Benemérita en Madrid e Barcelona, rematou coa detención de dous varóns de nacionalidade dominicana, de 29 e 33 anos. Os arrestados xa pasaron a disposición xudicial este venres en Carballo. O xulgado número 2, encargado da investigación do caso, decretou o seu ingreso en prisión.

A vítima, José Luis Alvarado, máis coñecido como Chelo el Regidor, foi vinculado polos investigadores co tráfico de drogas. O pasado 4 de decembro foi tiroteado cando se atopaba nun bar da rúa Anllóns da capital de Bergantiños. Alí recibiu dous impactos de bala que remataron coa súa vida de xeito instantáneo. As investigacións da Garda Civil conseguiron identificar aos autores do crime, provocando unha operación policial en colaboración cos Mossos d´Escuadra.