Cursos de menús navideños e decoración e protocolo na mesa de Nadal

A Concellería de Xuventude do Concello de Ourense organizará este mes de decembro dúas novas actividades enmarcadas no programa de Nadal “Ourense con luz propia”. Serán un curso de decoración e protocolo na mesa de Nadal e outro de menús de Nadal.

As persoas interesadas poden inscribirse en xuventude@ourense.es e obter máis información na propia Concellería, na Praza de San Martiño, teléfono 988 388154. Cada un dos cursos conta con 20 prazas e están dirixidos a persoas maiores de 15 anos. As prazas adxudicaranse por orde de presentación de solicitudes.

O curso de Decoración e protocolo na mesa de Nadal será os días 14 e 15 de decembro, de 19:00 a 21:00 horas, na Aula de Cociña sita na rúa Vasco da Ponte nº1, baixo, no barrio das Lagoas

O curso “Elabora o teu menú de Nadal. 1º, 2º e postre” será os días 19,20 e 21 de decembro, de 18:30 a 21:30, na mesma aula de cociña