Antonio García Teijeiro: "Non podería vivir sen literatura, sen poesía e sen música"

Vigo

É un Premio Nacional de Literatura. É un home que precisa o mar e bañarse na praia, aínda que sexa febreiro. Axúdalle a despexar a cabeza e a fluír. Antonio García Teijeiro seguirá a publicar libros "ate que vexa que repito as cousas", pero o seu talento e a súa imaxinación permítenos saborear máis libros coa súa sinatura.

É o caso de "De pombas e bolboretas" (edicións Embora) e dos que ten a piques de saír ao mercado con Galaxia e mais Xeráis. Ademais traballa, da man da Editorial Elvira, con Alberto Cunha e con Paco Ibáñez nun disco-libro cos seus poemas musicados. Con esa hipótese de non podería vivir sen literatura, sen música e sen poesía, falamos con todo un Premio Nacional de Literatura Infantil e Xuvenil que segue traballando para que as nenas e nenos coñezan e desfruten coa poesía.