Nove pranchas de cinc do artista Prieto Nespereira aterran no museo de Lugo

Lugo

No Museo de Lugo xa están a bo recaudo as novas obras do gravador ourensán Xulio Prieto Nespereira. Trátase de nove pranchas de cinc, realizadas entre os anos 40 e 70, cedidas por Ángel Patricio Rodríguez Argibay.

Son dúas pranchas gravadas e asinadas polo autor, unha de 16,4 x 10 cm e outra de 25 x 31 cm, e sete pranchas de cinc orixinais con motivos diversos e distintos formatos. Estes bens, ingresados no MPL hai semanas, xa se poden ver na sala 25, un espazo monográfico dedicado ao autor dentro da sección de Debuxo e Gravado Galego que se pode visitar no primeiro andar.

A vicepresidenta da Deputación de Lugo, Maite Ferreiro, agradeceu "a xenerosidade de Ángel Patricio Rodríguez Argibay", que coa súa achega "permite ampliar e complementar o discurso expositivo da sala monográfica Prieto Nespereira".

A Sala Prieto Nespereira permite coñecer todas as etapas da súa evolución dende a paisaxes fantásticas da primeira época influídas polo rico imaxinario galaico como O Peto das bruxas, as paisaxes naturalistas galegas como Praza do Campo, Camino de Covas, Santiago de Compostela, nas que segué o ronsel de Castro Gil, ata a produción non imitativa dos últimos anos. O espazo monográfico remodelouse a finais de 2020.

A súa actividade como gravador é a propia dunha personalidade inqueda e activa, " que a cada paso vai dotando a súa obra dunha impronta máis persoal, avanzando na procura de novas técnicas e texturas e novas temáticas". Por outra banda, o seu traballo de promoción e desenvolvemento do gravado foi moi importante: Fundou con Castro Gil e outros o grupo "Los 24" e formou parte da Asociación Española de Artistas Gravadores e dos Salóns do Gravado, onde suceden como director a Castro Gil.