Nacho Vegas presenta este sábado o seu novo disco

Vigo

O Auditorio Mar de Vigo acolle este sábado a presentación de ‘Mundos inmóviles derrumbándose’, o novo traballo de Nacho Vegas, un disco que non descobre facetas novas, senón que profunda no seu persoal universo creativo. Gobernado por medios tempos, a lúcida pluma de Vegas segue voando con pulso firme nun océano de calma chicha e turbulencias baixo a superficie, entre a dor pesaroso da existencia e a esperanzada tenrura, onde as mortes, físicas ou sentimentais, conviven con algún que outro berro de guerra anticapitalista.

Descubre la nueva app de Cadena SER Te ofrecemos una mejor experiencia de audio y video

Descargar

Un traballo co que estrea discográfica e para o que formou unha nova banda que se nutre de vellos colaboradores, como Joseba Irazoki ou Manu Molina, e a decisiva incorporación de Hans Lagoa, Ferrán Resines e Cristian Pallejà.

Nas súas dúas décadas de traxectoria, Nacho Vegas transitou un camiño que lle levou a converterse nun artista de referencia para un púlico maioritario e transversal. As cancións do asturiano retratan o presente non só do noso país, senón de todo o ámbito latinoamericano. Tras vinte anos de carreira, este corpus artístico e unha voz propia sumamente influente, sitúano máis preto de autores como Sabina, Serra, Cecilia ou outros nomes que forman parte da educación sentimental de varias xeracións e son parte imprescindible do noso patrimonio cultural.