A ausencia de funcionarios en Secretaría e Intervención nos concellos da provincia parchéase con bolsas de emprego

Lugo

Os concellos da provincia levan tempo cos postos de funcionariado de Secretaría e intervención desertos. Ante esta problemática, o goberno provincial, presidido por José Tomé , tomou a decisión de "en aras da cooperación coas entidades locais, convocamos un proceso de selección de persoal interino para facilitar a provisión deste tipo de postos, que son tan importantes para o bo funcionamento da Administración e, polo tanto, para prestar un bo servizo público ós veciños e veciñas”.

O Presidente da Deputación de Lugo, acompañado Deputada de Réxime Interior, Promoción do Territorio e Turismo, Pilar García Porto, e a Deputada de Formación, Ensino e Economía do Coñecemento, Ana González Abelleira, entregaron os diplomas acreditativos da súa participación nas accións formativas que realizaron tras superar o concurso oposición aos beneficiarios.

Un total de nove persoas superaron o proceso selectivo e completaron a formación, que foi gratuíta e en formato on line, co que xa poden acceder aos postos de Secretaría-Intervención, Secretaría categoría de entrada e Intervención-Tesourería categoría de entrada nas entidades locais da provincia.

Para o goberno de Tomé Roca, “desta forma, conseguimos dous obxectivos: damos solución a un problema que teñen os concellos e, ao mesmo tempo, abrimos oportunidades laborais para persoal funcionario de habilitación nacional na Administración Local”.