850.000 euros para o servizo de conservación e mantemeneto das estradas provinciais

Lugo

A Xunta de Goberno saca cara á diante a aprobación da adxudicación para a empresa Extraco, Construcións e Proxectos, S.A da prestación durante dous anos do servizo de conservación e mantemento das estradas de titularidade provincial por un importe de máis de 825.000 euros.

A voceira socialista, Pilar García Porto, destacou a importancia de dar luz verde a este contrato xa que “deste xeito toda a rede viaria provincial está cuberta e poden levarse a cabo as tarefas necesarias para a conservación e o mantemento das estradas, así como a atención de emerxencias, causas sobrevidas e consecuencias das inclemencias meteorolóxicas que lles afecten”.

García Porto puxo en valor a importacia de preservar e investir nas comunicacións da provincia. "Este contrato dá mostra de que para nós a mellora das comunicacións viarias é unha prioridade porque son necesarias para favorecer a calidade de vida das persoas e a igualdade de oportunidades”, explicou a voceira socialista e destacou que se leva a cabo co fin de poder actuar dun xeito máis áxil e eficaz “sobre todo tendo en conta a enorme rede de estradas coa que contamos, que, lembremos, é a máis extensa de toda España e tres veces maior ca da Xunta de Galicia na provincia de Lugo”.