Ser Deportivos Lugo (4/10/2017)

Escoitamos a Bernardo Cruz na previa do Granada - Lugo, Salva Arco falounos do novo Cafés Candelas Breogán e o arranque da tempada e tamén analizamos o pistoletazo de saída do rugby galego, onde compite o Muralla masculino e feminino. Tamén nos achegamos ao mundo do ciclismo para coñecer un pouco máis do Gran Premio San Froilán e da actualidade do Cidade de Lugo e fomos a Xove saber as chaves da derrota do Xove FS ante o Albense na Segunda B de fútbol sala. Estreamos tamén a sección de atletismo, Correr en Lugo, con Pablo Gandoy, falando do atletismo de competición e Cristina Azanza repasando o mundo runner. Pechamos o programa sabendo un pouco máis da actividade de Aspnais e do seu traballo de integración de persoas con discapacidade intelectual a través do deporte.