Hoy por Hoy Lugo Informativo Matinal (8:20-30/01/2020)

Os traballadores de Alcoa continúan reclamando solucións para a planta de San Cibrao. Por iso, o presidente do comité de empresa, José Antonio Zan, declarou que están a traballar nunha gran mobilización, que terá lugar na Mariña, para concienciar á sociedade sobre o que supoñería o peche da fábrica. Falamos tamén sobre a sanción imposta á xuíza Pilar de Lara, polo Consello Xeral do Poder Xudicial, de sete meses de suspensión de emprego e soldo, que comporta perda de destino. O ex secretario xeral do PSdeG, José Ramón Gómez Besteiro, imputado pola xuíza no caso Garañón, pedirá por escrito ao Consello que a sanción sexa executada de forma inmediata. Ademais, en clave municipal, recollemos as últimas medidas do Concello para mellorar a seguridade nas instalacións deportivas da cidade.