Hoy por Hoy Lugo Informativo Matinal (8:20-04/02/2020)

Continúa o debate sobre o cuartel de San Fernando. O delegado territorial da Xunta mantén a súa posición e defende que o cuartel debería albergar un parador turístico. Mentres, o Goberno local segue apostando para que se converta na sede do museo da romanización. Ambas posicións debateranse nunha mesa redonda, o próximo 8 de febreiro, na delegación da Xunta en Lugo. Mentres en Sarria, as aulas da Escola Hogar xa están listas para recibir aos alumnos do colexio Frei Luís de Granada, mentres este continúe en obras. Ademais, as reaccións ao cese de Pilar de Lara continúan producíndose. O ex alcade de Lugo, Xosé López Orozco, foi o último en pronunciarse. Tras ser investigado pola xuíza no caso Garañón, mantén a súa inocencia e celebra o seu cese polo Consello Xeral do Poder Xudicial.