Hoy por Hoy Lugo Informativo Matinal 8:20h (03/07/2020)

O brote de coronvairus na mariña lucense continúa en aumento, son xa máis de 60 casos os detectados, mentres, o presidente da Xunta de Galicia, Alberto Núñez Feijoo situou onte a orixe do brote en dous ou tres bares de Burela. Máis de 500 persoas atópanse confinadas, de todos os xeitos, o xerente da área sanitaria de Lugo, Ramón Ares, aseguraba onte aquí na Ser que o rebrote da mariña non saltara á cidade de Lugo. O comité de empresa de Alcoa volvía reunirse coa dirección da multinacional en España onde a empresa se mantine inflexible co despedimento de 534 traballadores da planta de aluminio en San Cibrao. Onte pasou por Lugo o Ministro de Sanidade, Salvador Illa, para dar o seu apoio ao candidato do PSdeG-PSOE, Gonzalo Caballero. Un lucense iniciou unha folga de fame para protestar contra o ruído dos seus veciños. A construción da nova pasarela sobre o río Miño, na Nacional VI, arrincará a próxima semana. A área de cultura do concello de Lugo presenta a programación da última semana do ciclo Muralleando Sen Parar.