Hoy por Hoy Lugo Informativo Matinal 8:20h (09/07/2020)

O brote da Mariña sumou 23 novos positivos nas últimas horas e sitúase en 144 casos activos. Ademais, hai cinco persoas hospitalizadas no hospital de Burela, cuxa evolución é favorable e unha no Hospital Universitario Lucus Augusti. No conxunto da provincia temos 166 casos activos e desde o inicio da pandemia sumamos 1.126 positivos por Covid-19 e 932 persoas recuperadas, lembremos que perderon a vida na nosa provincia, 28 persoas. Guerra de comunicados entre os alcaldes da mariña lucense, onde socialistas e nacionalistas piden aprazar as eleccións e os populares ven todas as garantías de seguridade para os próximos comicios. E o Xulgado do Contencioso Administrativo número dous de Lugo avala as meidas tomadas pola Xunta para evitar a propagación da Covid-19 na mariña de Lugo. A multinacional Alcoa ampliará as consultas do ERE se existen avances na negociación cos traballadores. O concello de Lugo comeza a abonar as axudas do Plan Reanima, coas que inxectará case tres millóns de euros entre autónomos, pemes e familias.