Hoy por Hoy Lugo Informativo Matinal 8:20h (13/07/2020)

O partido popular do candidato, Alberto Núñez Feijoo, gaña as eleccións autonómicas por cuarta vez e gobernará durante o próximos catro en Galicia. O resultado da noite electoral deixa aos populares con 41 escanos fronte aos 19 do BNG de Ana Pontón, que sorpasa ao PsdeG-PSOE de Gonzalo Caballero que consegue 15 deputados no parlamento galego. A confluencia de Galicia En Común a nova marea e podemos, queda sen representación parlamentaria. Na provincia de Lugo, os populares conseguen 9 deputados, un máis que nas pasadas eleccións, 3 para o Bloque nacionalista Galego, dous máis que fai catro anos e o PSOE consegue dous, un menos que nos pasados comicios autonómicos. En canto aos datos do brote activo de coronavirus na costa lucense, agora mesmo son 185 as persoas que se manteñen como positivos na mariña, mentres que no resto da provincia son 199 os casos activos, catro menos, que na xornada de onte. Dúas persoas atópanse hospitalizadas no hospital de Burela, e oito recibiron a alta médica nas últimas horas. Ata o día de hoxe na nosa provincia detectáronse 1.207 casos de Covid-19, 980 persoas recuperáronse da enfermidade e 28 faleceron debido á pandemia. A Deputación Provincial e o concello de Pedrafita do Cebreiro dan un paso mais para a apertura da residencia de maiores. A Vicepresidencia da Deputación de Lugo iniciou os trámites para retirar os retratos dos presidentes franquistas das institución nos corredores do Pazo de San Marcos.