Hoy por Hoy Lugo Informativo Matinal 8:20h (14/07/2020)

O brote de coronavirus que rexistra a comarca da Mariña lucense reduce os seus casos activos a 184, un menos que na xornada de onte, tras rexistrarse outro positivo e dúas novas altas de persoas curadas. O xerente da área sanitaria de Lugo, Ramón Ares, subliñou que o brote de coronavirus na comarca da Mariña “está controlado” e segue cunha “boa evolución”. En canto aos casos activos ao longo de toda a provincia, Lugo suma 200, un máis que na xornada de onte, ademais, dúas persoas atópanse ingresadas no hospital de Burela. Ata o día de hoxe rexistramos 1.210 casos positivos por Covid-19, con 982 persoas recuperadas e 28 falecidas. Tras a resaca electoral, toca facer balance dos resultados das eleccións autonómicas e iso foi o que fixeron os principais líderes da cidade e a provincia lucense. Máis de 1.500 quilómetros percorreron onte os traballadores e familiares da factoría de Alcoa en San Cibrao para reclamar a salvación da fábrica da Mariña. O Concello de Lugo impulsa os mercados de verán San Pedrín, todos os mércores e A Milagrosiña, o venres, co fin de dinamizar o comercio nos barrios. 220 artistas presentáronse aos primeiros premios Connexio, cos que o concello lucense busca potenciar o Camiño Primitivo e o turismo sostible en Lugo. Ademais, a Xunta de Galicia licita por case 1,5 millóns de euros a rehabilitación integral do colexio Frey Luís de Granada en Sarria.