Hoy por Hoy Lugo Informativo Matinal 8:20h (16/07/2020)

A partir da medianoite A Mariña quedou liberada das restricións aplicadas pola Consellería de Sanidade para controlar o brote de coronavirus detectado o pasado 23 de xuño. Dos catorce municipios confinados durante o primeiros cinco días, só persiste o illamento en Burela, onde se concentran a maioría de casos activos de covid-19. Viveiro, Ribadeo, Foz, Cervo, Barreiros e Xove xa poden recibir turistas, e quen reside aí tamén poden saír ao exterior. Ademais, continúan baixando os casos activos no brote da Mariña, 151, 12 menos que na xornada de onte. En canto aos resultados a nivel provincial, tamén descenden os casos activos de coronavirus ata os 171. A Mancomunidade de concellos da Mariña prepara unha campaña de promoción turística. Os traballadores de Alcoa en San Cibrao manifestaranse este venres polas rúas da Coruña, nunha protesta que está previsto que salga ás 18.00 horas da sede da Xunta para terminar #ante a Delegación do Goberno. E o deputado do BNG no Congreso, Néstor Rego, pediu ao Goberno que se comprometa a nacionalizar a factoría de Alcoa San Cibrao. O concello de Lugo creará unha bolsa de emprego para 42 categorías profesionais co fin de axilizar a provisión de postos de traballo. A área de mobilidade do concello lucense realiza varias intervencións no barrio de Paradai.