Hoy por Hoy Lugo Informativo Matinal 8:20h (17/07/2020)

O brote de coronavirus que rexistra a comarca da Mariña segue en descenso ao reducir os seus casos activos a 140, o que supón 11 menos que na xornada de onte, tras rexistrarse 14 altas e tres positivos. Con todo, os pacientes hospitalizados en Burela aumentan, de dous a cinco. O Servizo Galego de Saúde confirmaba na xornada de onte a existencia de tres casos positivos por coronavirus en Vilalba, todos eles de persoas dunha mesma familia. En principio os seus síntomas son leves, polo que non requiriron de atención hospitalaria e estáselles facendo un seguimento domiciliario. Desde o Sergas confirman que se está levando a cabo un "rastrexo exhaustivo" da contorna dos positivos e realizando o pertinente estudo epidemiolóxico e as probas a familiares e persoas da súa contorna laboral. Todo fai indicar que o contaxio puido producirse nunha reunión familiar durante a primeira fin de semana deste mes de xullo. A Xunta de Galicia poñerá en marcha medidas específicas de impulso á promoción e reactivación turísitca da mariña lucense. A multinacional Alcoa traslada aos sindicatos que non se nega á venda da factoría de San Cibrao.Mentres hoxe hai unha nova movlización, será na Coruña a partires das seis da tarde, O control policial aos locais de hostalería sáldase no primeiro semestre deste ano, con 35 denuncias e o peche de catro establecementos. Termina unha nova fase do plan de calmado do tráfico nas contornas escolares que levou a cabo a área de mobilidade do concello de Lugo.