Hoy por Hoy Lugo Informativo Matinal 8:20h (20/07/2020)

Os casos activos vinculados ao brote de Covid-19 da Mariña reducíronse ata os 112, despois de que fosen dadas de alta sete persoas e non se detectara ningún novo positivo. Ademais, o Sergas confirmou dous novos positivos de coronavirus relacionados co foco de Vilalba, que se suman aos catro que xa había. O brote, aínda que afecta tamén ao concello de Xermade, mantense no ámbito familiar no que se declararon os primeiros casos. Desde onte é obrigatorio o uso da máscara, aínda que se poida gardar a distancia de seguridade. Por tanto o seu uso enténdese tamén nas terrazas, nos paseos e na praia. Os traballadores de Alcoa en San Cibrao iniciaron hoxe unha folga indefinida. Ademais, o BNG no concello de Lugo reclamará no próximo pleno municipal a nacionalización da multinacional americana. O concello de Lugo dá un paso máis cara a un Lugo sostible cun novo servizo de limpeza e recollida de residuos que duplicará o seu custo anual. O presidente da Deputación, José Tomé, fixo un balance moi positivo do seu primeiro ano na presidencia do ente provincial.