Hoy por Hoy Lugo Informativo Matinal 8:20h (23/07/2020)

A consellería de Sanidade levantou as restricións de mobilidade en Burela, polo que xa se pode entrar e saír libremente da localidade. A redución de casos positivos fai que se dea por controlado o brote da Covid-19 da comarca, polo que o concello burelense recupera a mobilidade do mesmo xeito que xa teñen o resto dos catorce municipios que integran o distrito sanitario da Mariña. Ademais do fin do confinamento no epicentro do brote da Mariña, a autoridade sanitaria amplía o horario da hostalería no norte lucense unha hora, co cal bares e restaurantes poderán abrir ata as 00.30 horas e deberán quedar desaloxados á unha da madrugada. Mantense a prohibición de grupos de máis de 10 de persoas se non conviven xuntos. En canto aos casos activos do brote da Mariña o número continúa diminuíndo co paso dos días, onde se rexistraron dez casos menos, polo que hai 69 nestes momentos. Os números da provincia tamén melloran, reducíndose en oito os casos activos ata un total de 98 en todo a área sanitaria da provincia de Lugo. Alcoa insiste en parar as cubas para unha posible venda e o comité de empresa urxe a paralizar o Ere para o despedimiento de 534 traballadores que podería facerse efectivo mañá venres. A pronta intervención de dous policías nacionais salvoulle a vida a un bebé de dous meses que se estaba asfixiando na capital lucense. Unha veciña de Taboada, de 88 anos, faleceu na tarde de onte tras ser atropelada por un vehículo na estrada LU-611 á altura de Friamonde. A área de Mobilidade do concello de Lugo executa un plan de arranxos da vía pública en toda a cidade. A concellería de Medio Rural executa o asfaltado de tres estradas en Vilastévez, Bagueixos e o Cuco. Ademais a alcaldesa de Lugo, Lara Méndez, aplaude a chegada dun novo Xulgado do Social para Lugo. A subdelegada do goberno en Lugo, Isabel Rodríguez, apoia a candidatura de Crecente Vega para os próximo Días dás Letras Galegas. Nos deportes, o Leite Río Breogán fixo ofi