Hoy por Hoy Lugo Informativo Matinal 8:20h (24/07/2020)

Continúan en descenso os casos rexistrados na área sanitaria de Lugo, 24 menos que na xornada precedente, onde o total de infectados na provincia descende a 74. A maior parte correspóndense co brote da Mariña, que aínda afecta a 48 persoas. A residencia de maiores San Bartolomé de Xove activou o protocolo anticovid ante o positivo dunha traballadora, confirmado na xornada de onte, polo que hoxe faranse as probas PCR aos 126 internos do centro para confirmar se están contaxiados. As traballadoras que comparten quenda coa coidadora de Xove tamén foron illadas por precaución e o centro non poderá abrirse ás visitas, tal e como estaba previsto proximamente ao levantarse as restricións na mariña. A multinacional Alcoa cede á presión e prolonga a negociación do ERE 12 días, ata o próximo día 4 de agosto. Os traballadores confían en que calle a oferta de compra da que fala a Ministra de Industria, Reyes Maroto. Un lucense embolsouse un premio de máis de 1,4 millóns de euros no sorteo da Lotería Primitiva celebrado na noite de onte. O millonario resultou agraciado co único premio de primeira categoría da xornada, con 6 acertos, dotado con 1.431.964 euros. O boleto afortunado, que foi selado na administración de loterías número 13 situada na Rúa Anxo López Pérez coa esquina de Bispo Aguirre. A área de Cultura do concello de Lugo organiza pasarrúas pola véspera do Día de Galicia. Seis agrupacións actuarán este venres entre as oito da tarde e as nove e media da noite en distintos puntos da cidade. Desde a concellería de Medio Ambiente acondicionan as parcelas e vías municipais dos barrios de San Fiz e Montirón. Ademais, a área de deportes mellorará a pista de rugby das Pedreiras. Os concellos da provincia priorizan os investimentos, o emprego e as medidas de loita contra a Covid-19 grazas ao Plan Único 2020 impulsado pola Deputación de Lugo. Ademais o ente provincial apoia con 18 mil euros a actividade da federación provincial de confrarías de