Hoy por Hoy Lugo Informativo Matinal 8:20h (03/08/2020)

Os casos activos de coronavirus seguen cotizando á baixa na área sanitaria lucense. Segundo o último balance feito público pola Consellería de Sanidade, Lugo contabiliza catro casos activos menos que no último resultado, o que sitúa o número total en 70. O brote de Covid-19 rexistrado no distrito sanitario da Mariña suma dous novos positivos, pero mantense cos mesmos casos activos que en último reconto, un total de 39, porque se produciron tamén dúas altas, de acordo c os datos da autoridades sanitarias. Tres persoas atópanse ingresadas na área sanitaria de Lugo, dúas no hospital de Burela e unha no Hula. Ata o día de hoxe na nosa provincia rexistramos 1.286 positivos por Covid-19 con 1.188 persoas recuperadas e 28 falecidas. A Garda Civil retomou na xornada de onte o dispositivo de procura do veciño de Ribeira de Piquín que se atopa desaparecido no bosque da Marronda, no concello veciño de Baleira, desde a noite do venres. A última hora do domingo, o home, duns 40 anos e que se atopa en tratamento psiquiátrico, non puidera ser localizado. A Xunta de Galicia avisa a Alcoa de que "se actúa de mala fe" pode invalidarse o Ere. Mentres, os traballadores de de a factoría de San Cibrao viven "con incerteza" as últimas xornadas antes de que acabe o prazo do Ere, coa esperanza de que se peche unha venda sen apagar as cubas. Ademais, o comité europeo contradi á multinacional sobre o custo de hibernar as cubas da factoría de San Cibrao. A Deputación e o concello de Lugo abriron o carril bici do Rato, que engade valor e potencia o uso destes espazos públicos. Esta semana comeza o pintado da sinalización horizontal da cidade. A área de Medio Ambiente do concello de Lugo impulsa 65 ordes de execución aos propietarios de parcelas privadas desatendidas, que causan un prexuízo á cidadanía. Ademais tamén se intensifica a limpeza dos parques de Frigsa e Rosalía para diminuír a presenza de estorniños. A Deputación de Lugo aproba o convenio específico