Hoy por Hoy Lugo Informativo Matinal 8:20h (04/08/2020)

Leve aumento dos casos activos de coronavirus na área sanitaria de Lugo, onde rexistramos un caso máis que no último balance, para un total de 71. Ademaís, o número de casos activos relacionados co brote de COVID-19 que afecta á comarca lucense da Mariña baixa a 36, tras rexistrarse tres novas altas e non haber ningún caso novo. Tres persoas continúan ingresadas, dúas no hospital de Burela e unha no Hula. Ata o día de hoxe na nosa provincia detectáronse 1.289 casos positivos por Covid-19, con 1.190 persoas recuperadas e 28 falecidas. Álvaro Pin, o home de 47 anos que desde o pasado venres levaba desaparecido no bosque da Marronda, no municipio de Baleira, apareceu san e salvo horas despois de que se decidise suspender a súa procura ao sospeitar que "se estaba ocultando". Segundo relataron varias fontes, este veciño de Ribeira de Piquín con problemas psicolóxicos abandonou o seu escondite apremado pola fame e regresou á súa casa, onde se aprovisionó de víveres. Despois marchouse no seu coche ata Meira, onde foi visto nalgúns bares. Ao parecer deixou unha nota na súa casa pedindo que o deixasen en paz e que se suspendese o operativo de procura porque el quere "vivir a súa vida". Hoxe é o día decisivo para a factoría de aluminio de Alcoa en San Cibrao, onde esta xornada finaliza o prazo para comezar a aplicar o ERE para 534 traballadores da planta da mariña. Alcoa propón un Erte a dous anos, mentres insiste en parar as cubas, e a Xunta de Galicia continúa pedindo que a empresa pare o ERE. Mentres o proxecto de Liberty House parece viable para o comité de empresa. O Garañón terá todos os seus accesos tapados para impedir que volvan acceder persoas ao seu interior. O concello de Lugo aproveita unhas obras de iluminación para retirar fibrocemento na rúa aviación española. Mentres, o concelleiro de medio ambiente, Álvaro Santos, afirma que nos pregos do novo contrato de lixo si están incluídas todas as parroquias. A Deputación de Lugo renova