Hoy por Hoy Lugo Infromativo Matinal 8:20h (05/08/2020)

Tras 14 horas de reunión no restaurante Os Robles non hai acordo entre Alcoa e o comité de empresa, xa que para o comité as condicións que propón a multinacional son inasumibles. Agora, Alcoa ten 15 días para comunicar o despedimento dun máximo de 534 traballadores da planta de aluminio. O número de casos activos de coronavirus na área sanitaria da provincia de Lugo continúa cos mesmo casos que no último balance, 71 en total. Mentres, o número de casos relacionados co brote de COVID-19 que afecta á comarca lucense da Mariña segue en descenso e sitúase en 35, tras rexistrarse outra alta e non sumar ningún caso novo. Ademais, está confirmado un caso de coronavirus entre os traballadores do Club Fluvial de Monforte. Trátase dunha persoa que traballa como socorrista nas instalacións. Segundo a presidenta do club, Luisa Vázquez, fixéronselles probas PCR a sete traballadores máis que coincidiron na mesma xornada laboral coa persoa afectada. As instalacións están pechadas ata dispoñer dos resultados das probas ao resto de empregados, que esperan coñecer nas próximas horas. O acordo entre o Goberno e a Federación Española de Municipios e Provincias sobre o superávit fractura ao municipalismo. Os concellos do PP rexeitan o pacto e o partido inicia unha ofensiva que incluirá un recurso ante o Constitucional. O BNG, mareas e outras forzas en toda España tamén se opoñen e mesmo algúns concellos abandonan a federación. A área de Cultura do concello de Lugo programa actuacións itinerantes de jazz no centro histórico baixo o título Dixeland nas ruas. Medio Rural continúa cos traballos de mellora e acondicionamento das vías que achegan seguridade e facilitan os desprazamentos dos veciños. A área de Xuventude continúa tamén coa súa programación de Andainas pola sostibilidade e a igualdade os días 8 e 12 de agosto. Lugo acollerá o primeiro Congreso Nacional de Turismo Experiencial do 16 ao 18 se setembro, no que participarán máis de 50 expert