Matinal Galego Hoy por Hoy Lugo, 8.20

A alcaldesa de Lugo, Lara Méndez, anuncia a creación dunha innovadora zona verde na Garaballa, nunha extensión de 1,2 hectáreas de extensión que inclúe a creación de hortos urbanos con funcionalidade terapéutica e didáctica a prol da convivencia interxeracional. A alcaldesa que tamén entregaba 3.228 pares de gafas a Medicus Mundi, que os veciños doaron dentro dunha campaña a prol do terceiro mundo. A estación intermodal da cidade de Lugo pendente dos fondos de reconstrucción da Unión Europea, segundo poñía de manifesto onte a conselleira de Infraestructuras, Ethel Vázquez. A Sociedade Española de Médicos Xerais e de Familia lamenta que non se reforce a Atención Primaria, agora que se está a acometer a vacinación da gripe. Os hostaleiros insisten que os deixen traballar ao cen por cen do que lles permite as súas licenzas. Os catamaráns que discurren pola Ribeira Sacra voltan a funcionar a súa máxima capacide trala supresión de restriccións. De éxito, califica o presidente da Sociedade Filatélica de Lugo, Luis Latorre, a exposición que trouxo a Lugo máis de oitenta mil sellos. A conselleira de Emprego, María Jesús Lorenzana, informou que a Xunta identificou a oito posibles compradores da planta de Vestas en Viveiro como os máis viables. Nembargantes critica a falla de boa fé da empresa.