A música infantil galega, en plena forma

Santiago de Compostela

Chegar e encher, dous días de éxito ateigando o Auditorio de Galicia, unha magnífica carta de presentación para a estrea de Sons Miúdos, o resumo da actualidade musical para os nenos en Galicia.

Gloria Sánchez de Mamá Cabra, Magín Blanco de A Nena e o Grilo, Uxía como María Fumasa, Pablo Díaz de Tic Tac, Paco Nogueiras Brinca Vai, Xoan Curiel Estamos no verán, conducido por Teatro dos Ghazafellos foron protagonistas dun espectaculo que fai vibrar os mais pequenos e por extensión os pais desexosos de amosarlles parte da proposta cultural galega. Case hora e media de temas escollidos que prolongan o eco ata chegar a casa, onde seguen os refráns e as coreografías que aprenden os pequenos.