Cor e Xeometría no Ateneo

Ourense

Desde o pasado mercores 13 de abril, ata o 13 de maio, no Ateneo de Ourense, expón Xabier Babarro,pintor, nado en Soutsanín (Ourense), Xabier Babarro, reflexa da sua obra, Cor E Xeometría:

Einstein quedou abraiado cando, sendo novo, topou cun libriño de xeometría no que as custións se resolvían coa intuición para facer plantexamentos e, deseguido, recorre ao método cientifico para chegar a resultados satisfactorios. Unha nova razón para abrazar a ciencia.

Cae un lapis de punta sobre un papel e orixinou un punto. Non importa a forma que teña, só que sexa pequena. Unha certa organización de puntos produce unha liña, calquera que saiba escribir perfectamente que esto ocorre, logo sabendo escribir xa temos unha preparación para aprender a debuxar.

O plano podémolo xerar cunha mancha de cor se pode unir gradualmente o outra de distinta cor, pódense xustapoñer e tamén superpoñer transparentando ou non, etc.

A textura, a pel dos corpos, percibímola polo tacto e pola vista. Podémola facer resaltar ou conformarnos coa que nos aporta o propio grao do soporte.

Esta exposición só pretende conxugar cor con xeometría, coa despreocupación de ter que crear sensación de fondura recorrendo ás sombras propias, ás sombras proxectadas, ás gradacións ou ao resalte das texturas.

Desexo que quede demostrado que con escadras, compás, tiraliñas e un bo uso da pintura, ben se pode facer Arte con Maiúscula.