Sancións para os donos de animais que incumplan

Ante as numerosas queixas veciñais e a manifesta actitude de moitos donos de cans no referente aos excrementos e ouriños, tanto na vía pública coma nas zonas verdes, o Concello de Ourense quere recordar que, en virtude do artigo 7 da lei 1/93 do 13 de abril, Protección de animais domésticos e salvaxes en catividade, na que se fai responsables os donos dos animais de que estes ensucien as vías públicas, fará efectivas as sancións oportunas, e que poden ir dos 100 aos 500 euros. A Ordenanza Municipal de Uso de Zonas Verdes tipifica estas accións como falta graves ou moi graves en función das circunstancias. O incumprimento da normativa pode levar aparellada unha sanción de 3.000 €. O Concello apela a cidadanía de Ourense a que se esmere no cumprimento dunha normativa que, segundo o departamento de Sanidade, “non debe implicar grandes esforzos pero si evita importantes incomodidades”. Insístese desde a área dirixida por Sofía Godoy en que os distintos servizos municipais vixiarán o seu cumprimento sancionando, previo legal procedemento, “aquelas actitudes contrarias á normativa e á boa convivencia cívica”. Estase a preparar, ademais, un proxecto de concienciación sobre a tenza de animais e o civismo nos espazos públicos para fomentar a integración das mascotas na cidade dun xeito amable e cívico. Protección animal O Concello quere advertir, coa mesma contundencia, de que perseguirá cos instrumentos legais ao seu alcance a aquelas persoas que depositan na vía pública veleno e produtos para rexeitar ou sacrificar animais. Esta práctica está prohibida e pode traer consecuencias perniciosas para os animais e para as persoas, polo que solicita e esixe o cese inmediato destas prácticas, tales coma colocar xofre nas beirarrúas -casos detectados estes últimos días-, baixo os apercibimentos legais oportunos. As sancións poden ir dos 1.800 até os 3.000 euros. Neste sentido, o Concello recomenda que, no caso de ver veleno ou elementos que entrañen riscos para a saúde de animais e persoas, se avise á Policía Local para que tome as medidas oportunas. Adxuntamos con esta nota a memoria 2015 da Concellería de Sanidade referida aos expedientes administrativos relacionados con animais. A maioría dos expedientes relacionados de seguido son sancionadores. A maioría dos expedientes inícianse por denuncias da Policia Local ou Seprona e finalizan en sancións económicas, por infracción administrativa ou incumprimento das obrigas, das prohibicións e dos requisitos establecidos na Lei 1/1993 sobre lexislación de protección de animais domésticos e salvaxes en catividade a Lei 8/2014 de 26 de setembro pola que se modifica o punto 1 do art. 24 da lei 1/93 do 13 de abril. OUTRO TIPO DE DENUNCIAS RELACIONADAS CON ANIMALES: Nesta Concellería tramítanse denuncias (a maioría no Perímetro Rural) pola presenza de galiñeiros que provocan molestias relacionadas con malos olores. XESTIÓNS QUE SE ATENDEN POLAS CHAMADAS DE CIDADÁNS E EN COLABORACIÓN COA POLICÍA LOCAL OU CO SEPRONA: Recollida de animais mortos.

Sancións para os donos de animais que incumplan

O Concello sancionará os donos dos animais que non recollan excrementos tanto coma os que poñan veleno para rexeitalos

Webs de PRISA