Ence patrocinará ao Teucro na vindeira tempada

Pontevedra

Ambas as partes mantiveron conversas nas últimas semanas e estímase que nos próximos días rubricarase definitivamente o acordo.

Para Ence, é unha satisfacción poder volver colaborar coa Sociedade Deportiva Teucro, e apoiar así o esforzo realizado nos últimos anos pola súa xunta directiva, os seus socios e todos os deportistas vencellados á entidade para devolverlle ao club ao lugar que lle corresponde no balonmán español.

Pola súa banda, o presidente do Teucro, Carlos García-Alén, sinalou que “o convenio con Ence permitiranos continuar consolidándonos como club despois dos esforzos realizados nas últimas tempadas”. García-Alén tamén lembrou que “Ence é un dos patrocinadores históricos do club. Para a SD Teucro, é un pracer contar co apoio dunha empresa tan decisiva na comarca como é ENCE comprometida co deporte da cidade e especialmente co balonmán”.