Jueves, 06 de Agosto de 2020

Otras localidades

O momento coruñento de Xurxo Souto

Luísa Villalta

“Cidade tatuada na pétrea pel do mar”, escribiu Luísa Villalta. A poeta morreu moi nova, mais regalounos para sempre o grande Cántico da Coruña, o seu libro “En Concreto”.

Cómpre achegar aos beizos, cada primavera, pois esa obra magna do “coruñecemento” Universal. A cidade convertida en espazo poético, como fixo antes Devesa Monterroso, no libro A Nau Enfeitizada, como antes fixo o padre Rubinos -alá polos anos trinta- n’ “O Poema da Cruña”. Obras ben diversas que navegan por un mesmo rego. A Coruña cidade-barco, e unha teima na súa tripulación:

Moreniña por te ver

pasei o mar da Marola

a piques de me perder

Velaí a apoteose do cancioneiro tradicional coruñés. Tríade céltica -como diría don Manuel Murguía na forma-. E unha mensaxe definitiva no fondo: Cómpre arriscalo todo para procurar a beleza.

A Coruña, luz e vento, unha pedra chantada no Atlántico. E a Torre, facho acendido para abrir camiños no Oceáno, o ou que é omesmo, para abrir camiños en todos os misterios. Ruído, fume, cemento… a pátina urbana tolda ás veces a percepción, e non permite sentir as magnitudes cósmica nas que armamos a vida.

Afortunadamente chega a mirada da poesía, chega a mirada de Luísa Villalta a sintonizar directamente con ese misterio de luz. Milagre da realidade tal e como o formulou a propia poeta: O meu nome é o da Cidade Alta. Nacido onde a luz e marse están orixinando mutuamente. A Coruña, nau enfeitizada, pedra, auga, vento, e nós dentro. Milagre do cotián que estoupa nos beizos cada vez que pronunciamos a palabra máxica: Orzán!

Embarquemos pois neste manifesto. “En Concreto”. Contra o frío, contra o desacougo un único destino: A Beleza. A mellor travesía de futuro para esta cidade barco que lle chaman A Coruña. Como Luísa escribiu: Cabeza, Garda, Chave, Forza e Antemural do Reino Renacido.

Cargando

Escucha la radio en directo

Cadena SER
Directo

Tu contenido empezará después la publicidad

Programación

Último boletín

Emisoras

Elige una emisora

Cadena SER

Compartir

Tu contenido empezará después de la publicidad

Cadena SER

¿Quieres recibir notificaciones con las noticias más importantes?