Coa ilusión intacta
Os de Luís César mídense este domingo ás 19 horas ó Nàstic no Nou Estadi coa novidade do canteirán Duque na convocatoria
Lugo - Nàstic da pasada tempada / Facebook CD Lugo
Lugo
O CD Lugo comeza este domingo a partir das 19 horas o campionato de Segunda División coa ilusión por todo o alto tras as boas sensacións da pretempada ante rivais de entidade como o Celta (1-2) ou o Spórting de Gijón (3-0). Os albivermellos enfróntanse ao Nàstic de Tarragona, un equipo que vén de rematar terceiro na pasada liga.
- Alineacións
Luís César non poderá contar con Caballero e Carmona, lesionados, e deixou sen convocar aos canteiráns Pedrosa, Keko Vilariño e Cacharrón. A principal novidade na primeira lista do técnico albivermello é a inclusión do tamén canteirán Duque.
Luís César terá as dúbidas de Leuko e Iriome, ambos con doenzas musculares tras a pretempada. É probable que o adestrador lucense baralle a inclusión do recén chegado Calavera no lateral dereito. Igor Martínez ten todas as papeletas tamén para sair de inicio no exteremo dereito polas doenzas físicas do futbolista canario.
Descubre la nueva app de Cadena SER Te ofrecemos una mejor experiencia de audio y video
DescargarNàstic
O Nàstic de Tarragona, que se reforzou con 11 xogadores este verán, non poderá contar para o arranque do campionato ante o Lugo co meta Reina, lesionado de gravidade na pretempada. O seu posto ocuparao o veterano meta Sebastian Saja, fichado a última hora procedente do Rácing de Avellaneda arxentino. As principais novidades do equipo de Vicente Moreno con respecto á pasada tempada serán na zona de creación e na ofensiva.
Agárdase un partido igualado no que o Lugo, segundo apuntou Luís César durante a semana, non sairá a especular co resultado, e tentará traer para Galicia os tres primeiros puntos da tempada.
