A federación veciñal mostra "dúbidas" ante as promesas electorais
Feijoo compremeteu a estación intermodal e presionar para conseguir a conexión de alta velocidade con Ourense
Lugo
O presidente da Federación de Asociacións de Veciños de Lugo, Jesús Vázquez, mostrou este mércores as súas dúbidas sobre as promesas electorais lanzadas onte polo presidente da Xunta e candidato á reelección, Alberto Núñez Feijoo, de cara ás eleccións do 25 de setembro.
Feijoo anunciou, entre outras accións, a construción dunha estación intermodal, coa alta velocidade como "máxima prioridade" para conectar Lugo con Ourense.
Asimesmo, prometeu avances no Plan Paradai e novos usos sanitarios e tecnolóxicos.
El código iframe se ha copiado en el portapapeles
Jesús Vázquez, presidente de la Federación de Asociaciones de Vecinos de Lugo (07/09/2016)
Vázquez pediu que se materialicen as promesas electorais de todos os candidatos á Xunta para que Lugo estea á altura do resto de provincias galegas en infraestruturas, sanidade e educación.
Ao seu xuízo, sería ideal que "houbese eleccións con máis frecuencia, porque é cando adquiren moitos compromisos".
