O Burela FS tentará dar a sorpresa fronte o inter
Os laranxas buscan a os primeiros puntos da tempada
Burela fs
Lugo
O Pescados Rubén-Burela FS pechará este sábado a apertada semana inicial de Primeira LNFS cun gran desafío. Visita a casa do campión entre campións, o Movistar Inter FS, que se estreará ante a súa afección fronte aos laranxas e coas cámaras de Teledeporte (Jorge Garbajosa, 13.00 horas).
- CONVOCATORIAS
“Somos moi conscientes de que é un encontro moi complicado e máis na súa casa. O noso partido centrarase en defender ben, non baixar os brazos e intentar aproveitar as oportunidades” explicaba o meta Álex Pérez, a piques de subir ao autobús rumbo ao destino da segunda xornada.
O 13 laranxa foi un dos grandes protagonistas do mércores ante o Palma Futsal, cunha traballada e eficaz segunda parte: “A primeira parte foi moi ben. O inicio do segundo tempo custounos. Co segundo gol chegounos a ansiedade pero ao final puidemos volver ao partido co porteiro-xogador, a piques de conseguir o empate. Tan só queda seguir traballando”, reflexionaba Álex, que comeza a súa segunda tempada na Mariña “máis asentado”, con máis experiencia e madureza.
“Atópome en bo momento, con ganas de achegar ao equipo e seguir mellorando para que Dani siga confiando en min” explicaba o porteiro madrileño, competindo samente coa incorporación de Joan Miñano e esperando o regreso de Edu: “Temos que seguir igual, traballando os tres e despois xa será decisión do adestrador”.
jose Rodriguez, compañero de Ser Mariña (14/10/2016)
03:13
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1476452723_212219/" width="100%" height="360" frameborder="0" allowfullscreen></iframe>
A escadra mariñá, que partiu este venres ás 14.00 horas cara a Torrejón de Ardoz, xa se viu as caras en pretempada con Movistar, no Torneo Burela Bonita, con vitoria para os de Velasco (0-4).
Copa do Rei
Os pupilos de Daniel Ibañes terán, de novo, pouco tempo para o descanso. O martes, 18 de outubro, visitarán o Prone Lugo (municipal de Deportes, 21.00 horas) na segunda eliminatoria da Copa do Rei.
Copa Galicia
Tras o sorteo celebrado o martes pasado pola FGFS, o cadro mariñá xa coñece a identidade do seu rival en cuartos de Copa Galicia. Será o Cidade de Narón, de Segunda División, como primeiro do Grupo A, tras impoñerse ao Concello de Begonte (1-8) e Ventorrillo (4-3).
Pola súa banda as rapazas de Lucas enfrontase o Rubi.
