O Burela FS busca o pase a cuartos da copa do Rei

Lugo

O Pescados Rubén Burela FS repetirá rival en oitavos de Copa do Rei un ano despois. Os pupilos de Daniel Ibañes buscarán este mércores no Ciudad de Tudela (20.30 horas) un desenlace diferente fronte ao seu verdugo de 2015-16, o Aspil Vidal Ribera Navarra (3-2). Os galegos chegan tras 3-5 fronte ao Prone Lugo FS e os navarros con 1-2 ante Cidade de Narón.

O copeiro será o primeiro compromiso da semana para os mariñáns, que tamén terán que queimar roda en liga, cun longo desprazamento para disputar a sexta xornada o sábado na casa do Jaén Paraíso Interior (La Salobreja, 18.00 horas).

A expedición burelista partiu sen Chano, Petry e Isi por molestias.