Xardín Desordenado no Set de Unplugged

Pontevedra

No ano 2011 uns músicos de Vigo decidiron percorrer librarías e bibliotecas, á busca de palabras ás que lles poñer música. A selección resultante non obedeceu a criterios centíficos, senón á provocación que os poetas producían nos “exploradores”.

Logo, algunhas noites reuníanse nunha bufarda de Tirán, onde, compartían os poemas elexidos e as súas experiencias musicais; case todos transitaran polo Jazz, aínda que chegados dende diversas procedencias.

O seu obxectivo era promover a poesía galega e o concretaron nun primeiro traballo, con quince poemas escritos por homes. Chamaron ao CD como a si mesmos: “Xardín desordenado” e nel, acompañados pola cálida sonoridade que proporcionan os instrumentos acústicos, estes “xardineiros desordenados” convertiron os magníficos textos en boleros, en swing, en blues…

Descubre la nueva app de Cadena SER Te ofrecemos una mejor experiencia de audio y video

Descargar

Xardín Desordenado adicóu o seu terceiro traballo discográfico a Carlos Casares, autor do Día das Letras no 2.017. Trátase dun traballo peculiar, xa que por primeira vez inclúense cancións compostas sobre relatos, o que supuso un esforzo adicional, pero tamén a ventaxa de que as historias contadas favorecen o formato canción.

Por outra banda, a través da Fundación Carlos Casares, Xardín Desordenado recuperou poemas de Carlos Casares nunca pubricados nun libro (tan só en revistas literarias) e reuníu eses poemas no Cd, dándolles así soporte físico e musical.