El alcalde de Ourense activa la campaña #ConectadosPorElPlaneta
Jesús Vázquez Abad ha iniciado un reto en redes sociales a instancias de WWF.
Ourense
Alcaldes e alcaldesas de toda España iniciaron hoxe unha cadea en redes sociais para enviar unha mensaxe común contra o cambio climático, deixando de lado as súas posibles diferenzas, como parte da campaña da Hora do Planeta de WWF.
A iniciativa #ConectadosPorElPlaneta conta xa co apoio dos rexedores de municipios como Ourense, Sevilla, Madrid, Barcelona ou Soria. O ano pasado, máis de 400 pobos e cidades de toda España apagaron os seus principais monumentos como símbolo contra o cambio climático na Hora do Planeta, a maior mobilización ambiental global.
Nesta nova edición, WWF aliouse con alcaldes e alcaldesas para iniciar unha cadea en redes sociais, imitando aos coñecidos challenges, que mostre o compromiso dos concellos polo clima e que durará ata o momento do apagamento, o sábado 24 de marzo ás 20:30 h. Nove rexedores empezaron hoxe a “nomear” desde as súas redes a outros edís da nosa xeografía, deixando claro que debemos traballar xuntos para facer fronte ao cambio climático. A cadea puxérona en marcha: O alcalde de Soria (Carlos Martínez @ cmmsoria), a alcaldesa de Madrid (Manuela Carmena @ManuelaCarmena), o alcalde de Ourense ( Jesús Vázquez @jesus_ ourense) o alcalde de Alcobendas (Ignacio García de Vinuesa @garciadevinuesa), a alcaldesa de Alovera en Guadalaxara (Purificación Tortuero @PuriTortuero), o alcalde de Marchamalo, tamén en Guadalaxara (Rafael Esteban @Rafa_Esteban_), o Concello de Sevilla (co seu alcalde Juan Espadas @JuanEspadasSVQ), o Concello de Ajofrín en Toledo (coa colaboración da a alcaldesa Maria Isabel Alguacil da Pena @ajofrinayto), e o Concello de Barcelona (cos nomeamentos que virán da man de Janet Sanz, tenente de alcalde de ecoloxía, mobilidade e sustentabilidade).
O alcalde ourensán invitou nas súas redes a Lara Méndez @LaraMendezLopez (Lugo) e Telmo Martín @concello_sxx (Sanxenxo) a que se sumen tamén a esta iniciativa de concienciación e solidaridade co Medio Ambiente.
“En Ourense non somos alleos á problemática do cambio climático e por suposto queremos aportar o noso esforzo e a nosa vontade para, desde o ámbito local, promover cambios a nivel global”, sinala o alcalde de Ourense
Con esta iniciativa, WWF pretende destacar que os municipios teñen un papel fundamental á hora de impulsar as solucións necesarias ao reto global do cambio climático: diminuíndo o consumo enerxético, apoiando o autoconsumo con fontes renovables e a mobilidade sustentables, reverdecendo as cidades, ou axudando a sensibilizar aos seus veciños para adoptar hábitos máis responsables co clima e o resto dos seres vivos.
